Pochettino pritet të marrë vendim për të ardhmen te kombëtarja e SHBA-së javën e ardhshme
Mauricio Pochettino deklaroi se do të vendosë për të ardhmen e tij me përfaqësuesen e Shteteve të Bashkuara javën e ardhshme, pasi ka qenë duke negociuar një zgjatje kontrate që do ta mbajë trajnerin në post deri te Botërori i 2030-s. Para nisjes së Kupës së Botës 2026 i është ofruar një marrëveshje e re 54-vjeçarit, ndërsa skuadra amerikane fitoi grupin e saj dhe arriti në raundin e 16-ave përpara humbjes ndaj Belgjikës.
Sipas sports.yahoo, Pochettino u shpreh në një intervistë për një radio spanjolle se po e vlerëson ofertën dhe se “javën e ardhshme do të marrim një vendim”. Ai u emërua në krye të ekipit kombëtar në shtator të 2024-ës në vend të Gregg Berhalter, dhe nën drejtimin e tij ekipi ka regjistruar 17 fitore, 12 humbje dhe 2 barazime në 31 ndeshje.
Pochettino ka përvojë në nivele të larta klubesh, duke drejtuar më parë Southampton, Tottenham, Paris Saint-Germain dhe Chelsea. Federata amerikane pagoi një shifër rekord prej 6 milionë dollarësh për ta sigurur trajnerin rreth dy vite më parë, dhe të dy palët kanë shfaqur interesin për të vazhduar bashkëpunimin përtej Kupës së Botës 2026.
Trajneri ka shtuar se është e vështirë të parashikohet e ardhmja dhe se do ti mungojë puna atje nëse një ditë nuk do të qëndrojë më, duke lënë të kuptohet dëshira për vazhdim. Raporton sërish sports.yahoo se vendimi përfundimtar pritet të bëhet publik javën e ardhshme.
