CR7, çfarë bën? Al Nasr humb finalen, portugezi nuk mer medaljen

Al Nassr “dështon” në Afc Champions League Two. Në ekuivalenten e Europa League të kontinentit aziatik, skuadra e Jorge Jesus humbi finalen kundër skuadrës japoneze Gamba Osaka. Goli i Hummet në gjysmë ore lojë rezultoi vendimtar, duke i dhënë atyre një fitore 1-0.

Një zhgënjim i madh për Cristiano Ronaldon, i cili u largua nga fusha i dëshpëruar dhe në prag të lotëve. CR7 u kthye direkt në dhomën e zhveshjes pas ndeshjes, duke anashkaluar ceremoninë për të marrë medaljen e argjendtë. Delegacionin saudit drejt podiumit e udhëhoqën trajneri Jesus dhe Joao Felix.

Megjithatë, një trofe mund të vijë nga Liga Profesionale Saudite, kampionati kombëtar. Në ndeshjen e fundit kundër Damac, Cristiano dhe shokët e tij të ekipit do të kenë nevojë vetëm për një fitore për të siguruar titullin. Pas tyre, dy pikë prapa, është Al Hilal i Simone Inzaghi-t, i cili mundi Neom 2-0 falë një penalltie të Ruben Neves dhe një penalltie të dytë nga Mandash.