E shtunë, 21 Nëntor 2026
54°F Detroit
Ballina›Lajme nga Shqiperia›Delvinë, arrestohet 41-vjeçari i dënuar me 9 vite burg për marrëdhënie seksuale me të mitur

Delvinë, arrestohet 41-vjeçari i dënuar me 9 vite burg për marrëdhënie seksuale me të mitur

Një 41-vjeçar i shpallur në kërkim dhe i dënuar me 9 vite burg për veprën penale “Marrëdhënie seksuale ose homoseksuale me të mitur” është kapur nga Policia e Delvinës.

Arrestimi i tij u bë në kuadër të operacionit policor të koduar “Shijani”, pas informacioneve të siguruara në rrugë operative dhe punës për lokalizimin e personave të shpallur në kërkim.

Sipas njoftimit të policisë, 41-vjeçari Besnik Banushi, banues në Delvinë, u lokalizua dhe u ndalua në vendin e quajtur “Rrethrrotullimi i Shijanit”.

Ai ishte shpallur në kërkim pasi Gjykata e Shkallës së Parë e Juridiksionit të Përgjithshëm Sarandë, me vendimin e datës 23 korrik 2026, e kishte dënuar me 9 vite burgim për veprën penale të marrëdhënieve seksuale ose homoseksuale me të mitur.

Ngjarja për të cilën është dënuar 41-vjeçari i përket datës 2 janar 2012.

Materialet procedurale i janë referuar Prokurorisë për veprime të mëtejshme.

Lini një koment