Hamilton: Një përditësim urgjent i motorit i nevojitet skuadrës për të qenë konkurrues

Pas garës së Majemit, që u zhvillua 10 ditë më parë, sezoni i Formula 1 vazhdon këtë fundjavë me Çmimin e Madh të Kanadasë. Lewis Hamilton tha se skuadra duhet të sjellë përmirësime të shpejta, duke theksuar se pa një përditësim të motorit do të jetë e vështirë të luftojnë për vendet e para.

Sipas telesport, Hamilton theksoi se “ne kemi nevojë urgjente për një përditësim të motorit, sepse është shumë e vështirë të konkurrosh me fuqinë e Mercedes. Madje patëm vështirësi edhe të konkurrojmë edhe me Red Bull (ka motorin Ford)”.

Shtatë herë kampioni i botës tha se është zhgënjyes, pasi mund të kenë makinën më të mirë në disa aspekte, por u nevojitet kohë për të rikuperuar dhe për të ngushtuar diferencat ndaj rivalëve. Ai vuri në dukje se skuadra ka bërë shumë punë të mirë, por ende mungon hapi i fundit për të luftuar për fitoren dhe se nuk duhet të kënaqen vetëm me podiumet, përderisa rivalët vazhdojnë të përparojnë.

Me pak ditë para nisjes së garës në Kanadë, Hamilton kërkon që ekipet teknike të përshpejtojnë punën në zhvillimin e motorit, një presion që raporton telesport se mund të përcaktojë fatet e tyre për pjesën tjetër të sezonit.