Kush ka tagër të flas në emër të komunitetit?

Këto ditë është shpërndarë në Komunitetin Shqiptar të Detroitit një ftesë për pritjen e K/ministrit Rama, në Hotel “ Marriott” në Troy, Michigan, me datën 20 shtator 2026, në orën 4:00 Pm.

Në fund të ftesës shkruhet: “Ftuar nga Komuniteti Shqiptar Michigan!”

Në komunikimin me qendrat fetare, të cilat kanë rol parësor në komunitet, të thonë se nuk e kanë ftuar, gjithashtu shoqatat e komunitetit kanë të njëjtën përgjigje.

Nëse, edhe një grup patronazhistash diasporik ta kenë ftuar, mund të venë emrat e tyre në fund të ftesës, e jo të gënjehet në emër të një komuniteti kaq vital, siç është Komuniteti Shqiptar i Michiganit, me 5 Qendra fetare, disa media, dhe disa shoqata të njohura për aktivitetin e tyre patriotik!

Si mund ta ftojë Komuniteti Shqiptar i Michiganit një kryeministër aq të korruptuar e aq të kapur nga mafiozët e drogmenët, një kryeminister si Ramen, që çdo premtim e ka gënjeshtër, që po e rrëmben gjithë Shqipërinë, që po ua fal atdheun, që po e djeg e shkreton, një kryeminister që e quan Presidentin e Amerikes “ …fatkeqësi ndërkombëtare” ardhjen e tij në pushtet, një kryeminister që e dënoi me varfëri të tejskajshme popullin e tij, që i dëboi e po i dëbon dita ditës rininë shqiptare në gjithë botën e po punëson të huaj, një sharlatan monster ndërkombëtare, që populli i tij po proteston prej më shumë se 100 ditësh, pa u ndalu një herë!

Qofshi ju që jeni, që po ftoni e prisni një antishqiptar si ai!!!