Tuesday, 30 June 2026
Lajmet e fundit
Prodhuesit e vezëve bien dakord për një marrëveshje federale dhe shtetërore lidhur me pretendimet për manipulim të çmimeve • Gjykata Supreme: Një zyrtare e lartë e të drejtave të autorit mund të mbajë përkohësisht detyrën • Më pak se 4 në 10 blerës potencialë mund të përballojnë një shtëpi fillestare, tregon studimi • Garë për të shpëtuar të mbijetuarit pas tërmeteve në Venezuelë; mijëra ndërtesa të dëmtuara ose shkatërruara • Arrestohen katër të dyshuar pas sulmit me bombë ndaj një gazetari hetimor të kërcënuar nga mafia italiane • Gjykata e Lartë heq kufizimet për shpenzimet e koordinuara të partive • Si mund ta zbresë inteligjenca artificiale kreativitetin e njerëzve, sipas një studimi • Një skemë ‘jackpotting’ në Connecticut: Katër të arrestuar dhe 529,220 dollarë të vjedhura nga ATM-të • Ford tërheq 741,195 automjete për shkak të një defekti në sistemin e parkimit që mund të shkaktojë lëvizje të papritura • Një burrë që ëndërronte të bëhej asistent mjekësor rrezikon nga kufizimet e reja të kredive studentore •
54°F Detroit
Ballina›Shqiperia›Kuvend/ U larguar nga grupi i PS, mazhoranca zëvendëson Marjana Koçekun nga komisionet parlamentare
Shqiperia

Kuvend/ U larguar nga grupi i PS, mazhoranca zëvendëson Marjana Koçekun nga komisionet parlamentare

Mazhoranca ka vendosur ndryshime në përbërjen e disa komisioneve parlamentare, duke zëvendësuar deputeten Marjana Koçeku, e cila vendosi të largohej nga grupi parlamentar i Partisë Socialiste pak ditë më parë, duke dalë si deputete e pavarur.

Sipas vendimeve të miratuara në Kuvend, Koçeku nuk do të jetë më anëtare e Komisionit të Posaçëm për Reformën Administrative-Territoriale, Komisionit për Europën dhe Punët e Jashtme, si dhe nuk do të jetë më zëvendësuese në Komisionin për Kulturën, Turizmin dhe Diasporën.

Në Komisionin për Reformën Administrative-Territoriale, Koçeku është zëvendësuar nga deputeti Onid Beleri si anëtar i ri. Vendimi është miratuar me 72 vota pro, 1 kundër dhe asnjë abstenim.

Ndryshime janë bërë edhe në Komisionin për Europën dhe Punët e Jashtme, ku Marjana Koçeku është larguar nga pozicioni i sekretares dhe është zëvendësuar nga deputetja Sara Mila. Po ashtu, ajo është larguar edhe si anëtare e këtij komisioni. Vendimet janë miratuar me shumicë votash në Kuvend.

Në Komisionin për Kulturën, Turizmin dhe Diasporën, Koçeku është zëvendësuar si anëtare zëvendësuese nga deputetja Ilva Gjuzi.

Gjatë seancës plenare u miratuan gjithashtu një sërë projektrezolutash për 8 institucione të pavarura, të cilat lidhen me vlerësimin e veprimtarisë së tyre për vitin 2025 dhe detyrat në vijim.

Kuvendi miratoi edhe ndryshimin në Sekretariatin për Procedurat e Votimit dhe Etikën, ku deputeti Gjin Gjoni u caktua anëtar me 73 vota pro.

Lini një koment

● Artikuj të ngjashëm