Lando Norris rinovon kontratën me McLaren deri në vitin 2030
Lando Norris ka nënshkruar një kontratë të re me skuadrën McLaren që e lidh me ekipin deri në vitin 2030, me një opsion shumëvjeçar për të zgjeruar marrëveshjen edhe më tej. Kjo zgjatje konfirmon angazhimin afatgjatë të piloti britanik ndaj strukturave të fabrikës së bazuar në Woking.
Siç raporton telesport, lajmi vjen vetëm pak ditë pas zgjatjes rekord të kontratës së Max Verstappen me Red Bull. Norris është pjesë e familjes McLaren që prej 2017, kur iu bashkua programit junior si pilot testimi dhe i simulatorit, ndërsa u promovua në skuadrën garuese në vitin 2019.
Që nga promovimi, ai ka luajtur një rol qendror në zhvillimin e ekipit dhe në rindërtimin e performancës së McLaren në Formula 1. Zgjatja e kontratës së tij pason edhe firmosjen e marrëveshjes së Oscar Piastri në mars të vitit të kaluar dhe i bashkohet kontratave afatgjata të CEO Zak Brown dhe drejtuesit të ekipit Andrea Stella.
Sipas telesport, vendimi për të rinovuar marrëveshjen konsolidon stabilitetin e përbërjes së McLaren për sezonet e ardhshme dhe shërben si sinjal i strategjisë së klubit për të ruajtur bërthamën e skuadrës në një periudhë rikonstruktimi.
