Miku i ngushtë i Meghan dhe princit Harry: Ata jetojnë si çdo familje tjetër
Shefi spanjoll-amerikan José Andrés, mik i ngushtë i Meghan Markle dhe princit Harry, thotë se çifti përpiqet të ruajë një jetesë sa më normale jashtë dritave të medias. Ai thotë se kuzhina e tyre shërben si vendtakim familjar ku flitet për tema të përditshme — jeta, familja, momentet e mira dhe idetë për receta të reja — dhe shprehu respekt për mënyrën si Meghan ndërvepron me fëmijët e tyre, Archie, 7 vjeç, dhe Lilibet, 5 vjeçe.
Siç raporton Harper’s Bazaar, Andrés ka punuar me çiftin në projekte të ndryshme: u shfaq në sezonin e dytë të serialit të Meghan në Netflix, With Love, Meghan, dhe familja ka bashkëpunuar me organizatën e tij jofitimprurëse, World Central Kitchen, përmes fondacionit Archewell. Ai përmend se Harry dhe Meghan mbështesin misionin e organizatës për të siguruar ushqime në zona të goditura nga katastrofat humanitare dhe klimatike, dhe shpesh kontaktojnë në mënyrë të thjeshtë për të pyetur se si mund të ndihmojnë — veprime që bëhen në shumë raste në mënyrë diskrete.
Pas zjarreve shkatërruese që prekën Los Anxhelesin, qytetin e origjinës së Meghan, në 2025, çifti u angazhua në heshtje për shpërndarjen e ushqimit dhe burimeve për të prekurit përmes World Central Kitchen. Në një intervistë për Harper’s Bazaar (kopertina dhjetor 2025/ janar 2026), Meghan theksoi se qëllimi ishte t’u jepnin ndihmë njerëzve me dinjitet dhe kujdes, siç do të bënit për dikë që ka humbur gjithçka.
