Mot me diell në Kosovë, temperaturat arrijnë deri në 17 gradë

Moti në Kosovë gjatë ditës së sotme do të jetë kryesisht me diell dhe vranësira të shpërndara, ndërsa temperaturat e mëngjesit do të jenë të ulëta.

Sipas Institutit Hidrometeorologjik të Kosovës (IHMK), temperaturat minimale do të lëvizin nga 0 deri në 3 gradë Celsius, ndërsa ato maksimale pritet të arrijnë nga 13 deri në 17 gradë Celsius, raporton KosovaPress.

Instituti ka paralajmëruar se temperaturat e ulëta gjatë orëve të mëngjesit dhe të mbrëmjes mund të shkaktojnë ndjesi të theksuar të freskisë, veçanërisht te personat e moshuar dhe ata që vuajnë nga sëmundje kronike.

Për këtë arsye, rekomandohet që qytetarët të përshtatin veshjen me temperaturat e kësaj periudhe.

Ndërkaq, era do të fryjë nga drejtimi i verilindjes dhe veriperëndimit, me shpejtësi prej një deri në tre metra në sekondë.