Rreth 7,000 robotë humanoide u shitën në të gjithë botën vitin e kaluar
Rreth 7,000 robotë humanoide u shitën në të gjithë botën vitin e kaluar për përdorim industrial dhe profesional, treguan të dhënat nga Federata Ndërkombëtare e Robotikës (IFR).
Sipas kritereve IFR, një robot konsiderohet humanoid nëse ka një pamje të ngjashme me njeriun dhe mund të punojë në mënyrë autonome në një mjedis të projektuar për njerëzit, pa qenë të nevojshme këmbët, raportoi Reuters.
Numri i robotëve humanoide ende përfaqëson një “pjesë” të numrit të përgjithshëm të robotëve në botë, tha sekretarja e përgjithshme e IFR-së me seli në Frankfurt, Susan Bühler.
Gjatë vitit 2024, rreth 542,000 robotë standardë industrialë u instaluan në të gjithë botën, ndërsa u shitën rreth 199,000 robotë shërbimi për përdorim në transport, mikpritje dhe pastrim.
Të dhënat mbi robotët industrialë dhe të shërbimeve për vitin 2025 do të publikohen më 24 shtator.
Biller vuri në dukje se shumë nga robotët humanoide të shitur në vitin 2025 nuk kryenin detyra produktive, por u blenë nga institucione kërkimore ose kompani që i përdorin ato për të mbledhur të dhëna për të përmirësuar modelet e inteligjencës artificiale.
Prodhuesit e automjeteve, ndër adoptuesit e parë të robotëve humanoide, po kryejnë projekte pilot me “numër njëshifror ose ndonjëherë dyshifror robotësh në fabrikat e tyre”, tha Biller.
