Spencer Pratt kandidon për kryetar të Los Angeles, premton ndryshim në qeverisje
Spencer Pratt, i njohur më parë si një nga personazhet e reality-showt “The Hills”, njoftoi kandidaturën për kryetar të Los Angeles pa përvojë të mëparshme politike. 42 vjeç dhe i regjistruar si republikan, Pratt është renditur i dyti në disa sondazhe në garën për kreun e qytetit.
Ai thotë se synon të përmbysë praktikat e aktuale të administratës dhe të sjellë zgjidhje praktike për problemet e përditshme, ndërsa humbja e shtëpisë së tij në zjarret e Palisades e nxiti të hyjë në politikë, sipas CBS News.
Pratt ka përqendruar fushatën te çështje praktike: riparimi i rrugëve, rikthimi i ndriçimit publik dhe përmirësimi i sigurisë. Ai deklaron se shumë nga mbështetësit e tij në Los Angeles janë demokratë, por analistët vlerësojnë se do të jetë e vështirë të bindet një qytet tradicionalisht blu si Los Angeles për t’i besuar një kandidati pa përvojë. Zgjedhjet lokale, të parashikuara për 2 qershor, janë formalisht jopartiake; nëse asnjë kandidat nuk fiton shumicën e votave, dy më të votuarit kalojnë në rundin e dytë më 3 nëntor.
Pratt u përball me kryetaren aktuale Karen Bass dhe këshilltaren e qytetit Nithya Raman në një debat të tensionuar, ndërsa Bass është kritikuar për menaxhimin e pasojave të zjarreve; ajo vetë ka thënë se mbi 400 shtëpi janë në ndërtim dhe më shumë se 800 janë miratuar për ndërtim. Raporton CBS News.
