Sulm në Sumy të Ukrainës, nëna dhe djali i saj 9-vjeçar vriten në shtëpi nga dronët rusë, plagosen 4 të tjerë (VIDEO)

Një nënë dhe djali i saj 9-vjeçar u vranë në sulmet me dronë rusë në rajonin kufitar Sumy të Ukrainës, kreu i komandës ushtarake lokale, Oleh Khryhorov.

Dy dronë i vunë zjarrin një shtëpie private dhe e shkatërruan atë, duke vrarë nënën 29-vjeçare dhe djalin e saj, tha Khryhorov në një postim në Telegram.

Katër persona të tjerë u plagosën, përfshirë babain dhe gjyshen e djalit, të cilët u dërguan në spital me djegie të rënda.

Ndërkohë, në qytetin Smila të Ukrainës qendrore, pesë persona u plagosën nga një sulm me dron rus, sipas zyrës së prokurorit rajonal të Cherkasy. Autoritetet e përshkruan sulmin si një sulm masiv ndaj infrastrukturës civile.

Presidenti ukrainas Volodymyr Zelensky ka bërë thirrje për presion mbi kompanitë që të ndërpresin furnizimet e komponentëve nga jashtë. Rusia po përdor rreth 220 bomba me rënie të lirë në ditë kundër komuniteteve në vijën e frontit, të cilat i prodhon dhe i përshtat pavarësisht sanksioneve, shkroi ai.

Në një postim në Telegram sot, Ministria Ruse e Mbrojtjes kërcënoi se do ta ngrijë Ukrainën gjatë dimrit.

“Do të ngrini këtë dimër”, shkroi ajo nën një foto të dronëve në fluturim.

Ushtria ukrainase u përgjigj duke postuar një foto të një reje tymi mbi një objekt nafte në Rusi.

“Do të ngrohemi në zjarrin e rafinerive ruse”, tha ajo.

Dimrin e kaluar, Moska kreu sulme masive në rrjetin energjetik të Ukrainës, duke lënë miliona ukrainas pa energji elektrike, ujë dhe ngrohje, ndërsa temperaturat ranë nën zero gradë.

Woman and a 9-year-old child were killed, and 4 others were injured, in a russian strike on Sumy region‼️ pic.twitter.com/Ct8mNnqY9V