Sulmi me armë në qendrën islamike, Guvernatori i Kalifornisë: Urrejtja s’ka vend, nuk do të tolerojmë akte terrori
Guvernatori i Kalifornisë Gavin Newsom deklaroi se “nuk do të tolerojë akte terrori” ndaj komuniteteve fetare, pas një sulmi me armë në Qendra Islamike e San Diegos, ku pesë persona humbën jetën, përfshirë edhe dy autorët e dyshuar.
Në një reagim zyrtar, Newsom shprehu tronditjen e tij për ngjarjen dhe tha se një hapësirë komunitare ku familjet mblidhen për lutje u shndërrua në skenë dhune.
“Adhuruesit kudo nuk duhet të kenë frikë për jetën e tyre. Urrejtja nuk ka vend në Kaliforni dhe ne nuk do të tolerojmë akte terrori apo frikësimi kundër komuniteteve fetare”, u shpreh ai, duke shtuar ngushëllime për familjet e viktimave.
Autoritetet lokale thanë se tre persona, përfshirë një roje sigurie, u qëlluan për vdekje gjatë sulmit, ndërsa dy të dyshuarit vdiqën nga plagët e vetëshkaktuara me armë zjarri.
Hetimet për motivet e ngjarjes janë ende në vazhdim.
