E martë, 10 Nëntor 2026
Lajmet e fundit
CoreWeave kalon pritshmëritë në tremujorin e tretë: të ardhurat 3,7 miliardë dollarë, porositë 133 miliardë • Thune rizgjidhet lider i republikanëve në Senat, tentativa për shtyrje dështon 15–31 • Bowman e Fed-it: ende punë për të bërë me inflacionin, por nuk kërkon rritje të normave • Raporti republikan për Epstein: autoritetet federale mund t’i kishin parandaluar krimet e financierit • Jim Jordan zgjidhet lider i republikanëve në Dhomën e Përfaqësuesve, mund Scalise-n 106–73 në votimin e fshehtë • Senatorët republikanë mbyllin takimin dyorësh pa vendim nëse do ta rizgjedhin Thune si lider • Borxhi i familjeve amerikane rritet me 334 miliardë dollarë në 19,1 trilionë në tremujorin e tretë • Logan e Fed-it: duhen të paktën dy rritje të tjera të normave, ndoshta edhe me ritëm më të shpejtë • Anthropic depoziton kushtet e IPO-së: 825 milionë aksione me 70–78 dollarë dhe vlerësim deri në 1,4 trilion dollarë • Hegseth e quan farsë nismën për shkarkimin e tij në konferencën e parë në Pentagon që nga maji •
54°F Detroit
Ballina›Kosova›Trump propozon Mikhail Bogachek për ambasador të ri amerikan në Kosovë
Kosova

Trump propozon Mikhail Bogachek për ambasador të ri amerikan në Kosovë

Presidenti i Shteteve të Bashkuara të Amerikës, Donald Trump, ka propozuar Mikhail Bogachek, nga Florida, për pozitën e ambasadorit të jashtëzakonshëm dhe fuqiplotë të SHBA-së në Republikën e Kosovës.

Emri i Bogachek është përfshirë në listën e nominimeve presidenciale që Shtëpia e Bardhë ia ka dërguar Senatit amerikan më 9 nëntor 2026, për shqyrtimin dhe miratimin e kandidaturave për pozita të ndryshme në administratën amerikane dhe përfaqësitë diplomatike.

“Mikhail Bogachek, nga Florida, të jetë Ambasador i Jashtëzakonshëm dhe Fuqiplotë i Shteteve të Bashkuara të Amerikës në Republikën e Kosovës”, thuhet në njoftimin zyrtar të Shtëpisë së Bardhë.

Megjithatë, nominimi i tij duhet të kalojë nëpër procedurat e shqyrtimit dhe konfirmimit në Senatin amerikan, përpara se të marrë zyrtarisht detyrën e ambasadorit.

Kosova është pa ambasador të emëruar të SHBA-së që nga dhjetori i vitit 2024, kur Jeff Hovenier përfundoi misionin e tij diplomatik në Prishtinë.

Që nga largimi i tij, Ambasada Amerikane në Kosovë është udhëhequr nga të ngarkuarit me punë.

Nëse konfirmohet nga Senati, Bogachek do të jetë ambasadori i ri amerikan në Kosovë, pas gati dy vjetësh pa një përfaqësues të emëruar diplomatik të SHBA-së në Prishtinë.

Njoftimi zyrtar për nominimin është publikuar në faqen e Shtëpisë së Bardhë: Nominations and Withdrawals Sent to the Senate – November 9, 2026.

Lini një koment

● Artikuj të ngjashëm