Afrika e Jugut përmbys kujtimet e 2010-s dhe kualifikohet në fazën nokaut të Botërorit 2026
Për herë të parë në histori, Afrika e Jugut ka arritur në fazën nokaut të Kupës së Botës, një arritje që vjen pasi vendi kishte kaluar zhgënjimin e vitit 2010, kur u eleminua si nikoqir dhe nuk ia doli të kalojë grupin. Goli i Siphiwe Tshabalala në ndeshjen hapëse të asaj epopeje ishte përshkruar si një moment historik, por skuadra nuk arriti ta shfrytëzonte atë nxitje për të përparuar më tej.
Sipas bbc, gazetari sportiv nga Cape Town, Mark Gleeson, vlerëson se futbolli vendas ka qenë “pak i fjetur” që nga 2010, i ndikuar edhe nga një ngadalësim ekonomik dhe mungesa e sponsorëve, çka ka kufizuar zhvillimin e klubit dhe investimet në nivel lokal.
Kthimi i Kombëtares në Botëror vjen pas një periudhe të vështirë ku Afrika e Jugut mungoi në Kupën e Kombeve të Afrikës në disa edicione; megjithatë, sinjalet e rikthimit u forcuan kur klubi Mamelodi Sundowns fitoi titullin e kampionit të Afrikës në 2016 dhe më pas shpalli edhe një tjetër sukses kontinetal këtë maj. Suksesi i kombëtares dhe ai i Sundowns kanë dhënë një shtysë të dukshme për ambientin futbollistik në vend.
Pas largimit të trajnerit Molefi Ntseki, për drejtuesit e Kombëtares u zgjodh Hugo Broos, i cili, si lojtar, kishte marrë pjesë në Botërorin e 1986 me Belgjikën dhe më vonë si trajner drejtoi Kamerunin drejt titullit kontinetal të 2017. Broos rindërtoi ekipin, e çoi në vendin e tretë në Afcon 2023 dhe siguroi kualifikimin për Botërorin 2026 përpara Nigerisë. Pavarësisht kritikave për qasjen konservatore në ndeshjen hapëse ndaj Meksikës, kur Afrika e Jugut humbi 2-0 dhe pati dy kartonë të kuq, skuadra ngjiti nivelin duke barazuar me Çekinë dhe mposhtur Korenë e Jugut për të zënë vendin e dytë të grupit — një rikthim që, sipas lojtarëve dhe stafit, ia mbylli gojën kritikëve, raporton bbc.
