Declan Rice në dyshim për gjysmëfinalen e Kupës së Botës pas sëmundjes

Mesfushori Declan Rice mbetet në dyshim për të nisur gjysmëfinalen e Kupës së Botës kundër Argjentinës, ndërsa Anglia do të vendosë në momentet e fundit për pjesëmarrjen e tij në ndeshje.

Sipas bbc, Rice u tërhoq në pushim gjatë fitorës 2-1 pas kohëve shtesë ndaj Norvegjisë në Miami dhe trajneri Thomas Tuchel pranoi se ai kishte qëndruar tre ditë në shtrat para asaj ndeshjeje. Sëmundja, e cila dyshohet të jetë një infeksion stomakor, është marrë gjatë vizitës në Meksikë, ku Anglia fitoi 3-2 ndaj bashkorganizatorëve në fazën e 16-s.

Burimet thonë se gjendja e Rice është përmirësuar ndjeshëm gjatë 48 orëve të fundit, por ai ende nuk është rikuperuar plotësisht. Ka optimizëm që ai mund të jetë mirë për të nisur në Atlanta, por stafi mjekësor i Kombëtares do të bëjë një vlerësim të fundit dhe do të marrë vendimin në minutat e fundit para ndeshjes.

Në vijim të kësaj sëmundjeje, Rice po ashtu ka mbajtur prej disa muajsh një problem nervor që prek pjesën e poshtme të shpinës dhe të pasmet. Mesfushori, me 78 paraqitje për kombëtaren, ka startuar në të gjitha ndeshjet e Anglisë në Kupën e Botës deri tani, përveç fitores 2-0 ndaj Panamas në fazën e grupeve, që e humbi për shkak të përkeqësimit të dëmtimit.

Vendimi përfundimtar do të merret pas vlerësimeve të fundit të stafit mjekësor dhe gjendjes së lojtarit, raporton bbc.