Finalja e Botërorit 2026 nisi me trofeun në valixhen Louis Vuitton dhe fjalimin e Tom Cruise
Finalja e Botërorit 2026 mes Argjentinës dhe Spanjës në stadiumin New York New Jersey u hap me një ceremoni përmbyllëse të gjatë para se të niste loja. Paraqitja përfshiu himnin kombëtar të SHBA, të kënduar nga Jennifer Hudson, dhe prezantimin e trofeut të Kupës së Botës në një rast të pazakontë.
Sipas sports.yahoo, trofeu u shfaq brenda një valixhe të posaçme të markës Louis Vuitton, të nxjerrë dhe vendosur mbi një piedestal nga tenisti spanjoll Carlos Alcaraz dhe aktorja koreano-jugore Jung Ho-Yeon, të cilët më pas e hapën për të zbuluar trofeun të shndritshëm.
Ceremonia përfshiu gjithashtu një fjalim të Tom Cruise, i cili doli i veshur tërësisht me të zeza dhe foli me seriozitet për rëndësinë e Kupës së Botës dhe vlerën universale të futbollit, duke përmendur udhëtimin që ndërmorrën 48 kombet pjesëmarrëse gjatë turneut.
Ngjarjet ngjallën pyetje rreth zgjedhjes së markës së luksit për prezantimin e trofeut dhe arsyes pse Cruise u përzgjodh për të mbajtur fjalën hyrëse, veçanërisht pasi segmenti i tij i pararegjistruar për Fox ishte i sponsorizuar nga filmi i tij i ri, “Digger”. U shtrua gjithashtu dilema për koston e ceremoni të tilla, duke u shtuar në listën e momenteve të jashtëzakonshme të këtij evenimenti.
Shumë tifozë dukeshin më të qetë kur ndeshja vetë filloi, ndërsa elementi teatral i ceremonisë u vlerësua si tipik për FIFA-n, disi i tepërt dhe ndonjëherë i çuditshëm, raporton sports.yahoo.
