JAPONI – Tajfuni Dujuan shkakton alarm, anulohen 300 fluturime

– Japonia është në gjendje alarmi maksimal për shkak të tajfunit Dujuan, i cili ka detyruar tashmë anulimin e të paktën 275 fluturimeve në vend vetëm gjatë ditës së sotme, shkruan rainews.it.

Sipas Agjencisë Meteorologjike të Japonisë, tajfuni pritet të kalojë pranë Gadishullit Boso në Prefekturën Chiba (në lindje të Tokios).

Agjencia ka paralajmëruar për rrezikun e reshjeve të dendura të shiut në rajonet Kanto-Koshin (Japonia lindore) dhe Tokai (Japonia qendrore).

Për periudhën 24-orëshe deri në orën 06:00 të mëngjesit të së martës, parashikohen erëra me shpejtësi maksimale deri në 198 km/h dhe reshje shiu deri në 350 milimetra.

Kjo dukuri ekstreme e motit ka shkaktuar tashmë alarme në Tokio dhe qytetet fqinje lidhur me reshje të mundshme shiu që mund të thyejnë rekordet; e shoqëruar nga erëra të forta, ajo ka çuar gjithashtu në mbylljen e parakohshme të një prej panaireve më të mëdha në botë të videolojërave në kryeqytet dhe ka lënë mijëra njerëz pa energji elektrike.