NBA miraton sistemin ‘3-2-1’ dhe ndryshime në lotarinë e draftit për të ndëshkuar tankimin

Bordi i Guvernatorëve të NBA-së miratoi propozimin për një sistem të ri të lotarisë së draftit, të njohur si “3-2-1”, me synimin për të frenuar praktikën e tankimit. Për këtë masë u votua shumicë e madhe, 29-1, ndërsa Memphis Grizzlies rezultuan si kundërshtarët e vetëm.

Siç raporton Bleacher Report, ndryshimet përfshijnë zgjerimin e lotarisë nga 14 në 16 skuadra, krijimin e një zone “relegimi” ku tre ekipet më të dobëta penalizohen me shanse të reduktuara për zgjedhjen e parë dhe një balancim të përgjithshëm të probabiliteteve. Sistemi 3-2-1 pritet të hyjë në fuqi për draftin e 2027-s dhe do të përdoret të paktën deri te drafti i 2029-s përpara se të vendoset nëse do të ndryshohet ose vijojë më tej.

Sipas rregullave të reja, tre ekipet me rekordet më të dobëta do të kenë vetëm dy bileta në lotari për shansin e zgjedhjes së parë, ndërsa skuadrat që përfundojnë nga e katërta deri te e dhjeta do të marrin tre bileta. Përveç kësaj, asnjë ekip nuk mund të marrë zgjedhjen e parë në dy sezone radhazi dhe as të renditet në pesëshen e parë për tre sezone rresht. Aktualisht, lotaria përfshin 14 ekipe dhe tre ekipet më të dobëta ndajnë njëra-tjetren një mundësi prej 14 përqind për pickun e parë.

Komisioneri Adam Silver ka marrë autoritet më të gjerë për të ndëshkuar skuadrat që konsiderohen se po tankojnë; masat e mundshme disiplinore përfshijnë gjoba deri në 10 milionë dollarë, humbjen e zgjedhjeve të draftit, ndryshimin e pozicionit të tyre në draft dhe përcaktimin e odds-eve të draftit. Këtë sezon, tetë ekipe fituan 26 ose më pak ndeshje dhe pesë ekipe mbyllën me të paktën 60 humbje; Washington Wizards, me bilancin 17-65, fituan lotarinë dhe morën të drejtën për të zgjedhur AJ Dybantsa ose Darryn Peterson si nr.1. Bleacher Report vë në dukje se me rregullat e reja, Wizards do të kishin pasur një shans më të vogël për zgjedhjen e parë sesa skuadrat që përfundojnë nga e katërta deri te e dhjeta.