E shtunë, 21 Nëntor 2026
54°F Detroit
Ballina›Lajme nga Shqiperia›Protestuesit mblidhen para Kryeministrisë pas marshimit në disa rrugë të Tiranës

Protestuesit mblidhen para Kryeministrisë pas marshimit në disa rrugë të Tiranës

Pas marshimit në disa prej rrugëve të kryeqytetit, protestuesit janë vendosur në bulevardin “Dëshmorët e Kombit”, pranë godinës së Kryeministrisë. Situata para Kryeministrisë paraqitet e qetë dhe deri në këto momente nuk janë regjistruar konfrontime mes protestuesve dhe Policisë.

Protesta e thirrur nga studentët nisi rreth orës 14:00, me grumbullimin e pjesëmarrësve para Ministrisë së Arsimit. Më pas, ata marshuan në rrugën “Mine Peza”, ku ndaluan për pak kohë pranë komisariatit, për të vijuar lëvizjen në rrugën e Kavajës dhe atë “Myslym Shyri”.

Tubimi i kësaj të shtune është pjesë e protestave kundër qeverisë, ku përveç studentëve janë bashkuar edhe qytetarë dhe përfaqësues të shoqërisë civile.

Lini një koment