Kosova synon Evropianin, Foda: po përcjellim futbollistë nga ligat ndërkombëtare

Përzgjedhësi i Kosovës, Franco Foda, ka folur për planet afatgjata të Kombëtares, siç njofton Telegrafi, duke theksuar se stafi teknik po punon jo vetëm për ndeshjet e radhës, por edhe për të ardhmen e ekipit.

Sipas Fodës, stafi teknik vazhdon të përcjellë futbollistë nga kampionati vendor dhe nga ligat ndërkombëtare, me vëmendje të veçantë edhe ndaj talenteve të rinj që mund t’i bashkohen përfaqësueses në të ardhmen.

Ai theksoi se ekzistojnë disa mundësi për përforcimin e Kombëtares, por gjithçka bëhet duke pasur parasysh edhe objektivat e ardhshme, veçanërisht kualifikimet për Kampionatin Evropian.

Foda deklaroi se është e rëndësishme që ka disa mundësi edhe për ndeshjet e ardhshme, por skuadra nuk përgatitet vetëm për ndeshjet aktuale, por edhe për vitin e ardhshëm dhe kualifikimet për Evropianin.